Овие хранливи материи му се потребни на нашиот најголем орган за оптимално здравје.
Она што се случува однатре секогаш ќе се манифестира однадвор, па затоа е важно да се внимава на исхраната за здравјето на кожата.
Кожата е нашиот најголем орган, а сепак размислуваме за неа речиси исклучиво кога ќе се појави проблем кој влијае на нашиот изглед. Но, за здравјето на кожата има многу повеќе од она што го применуваме локално. Имено, она што се случува внатре секогаш ќе се манифестира однадвор.
Во продолжение ви претставуваме како да постигнете поздрава, посјајна кожа преку исхрана и повнимателен внес на храна.
Ако вашиот цревен микробиом е нездрав, тогаш работата на цревата може да стане неурамнотежена, што може да предизвика последици на кожата. Ако цревата не функционираат оптимално, тогаш не само што не може да ги апсорбира виталните хранливи материи, витамини и здрави масти кои и се потребни на кожата за да напредува, туку исто така може да предизвика акумулација на токсини во телото, предизвикувајќи црвенило, оток и пукнатини.
Заедно со пробиотиците и храната кои помагаат во зајакнувањето на здравјето на цревата, основата на добрата исхрана за кожата се зеленчукот, овошјето, здравите масти, квалитетните протеини и добрата хидратација. Но, какви хранливи материи копнее нашата кожа за оптимално здравје?
Антиоксиданси
Антиоксидансите во овошјето и зеленчукот помагаат во борбата против негативните ефекти на слободните радикали (тие се поврзани со брзо стареење, како и со сериозни болести и хронични воспаленија). Затоа, важно е да се јаде разновидна храна. Се препорачува да се јаде светло обоено овошје и зеленчук, како што се црвени пиперки, модри патлиџани, брокула, сквош, домати, црвени бобинки, црно грозје, цреши, па дури и зрна какао и зачини.
Витамин Е
Витаминот Е е суштинска хранлива материја за кожата која има антиинфламаторни својства неопходни за здравјето на кожата. Исто така, како антиоксиданс, помага да се заштитат нашите резерви на колаген и еластин одговорни за пополна кожа. Може да се најде во семките од сончоглед, бадемите, лососот, лешниците, брокулата, спанаќот и екстра девственото маслиново масло. Плус, подобро се апсорбира кога се комбинира со доза на витамин Ц. Пробајте салата од лосос со малку сок од лимон или портокал и грст бадеми.
Витамин Ц
Витаминот Ц игра клучна улога во создавањето и синтезата на колаген, што е особено важно од доцните 20-ти години наваму. Јадете го со храна како пиперки, јагоди, агруми, брокула, спанаќ, киви, брусница и цреши.
