Царска пита е одлично решение за појадок, вечера, ужина, а е и многу лесна за подготовка.
Обично веќе ги имате сите состојки дома, а ако ги немате, можете да изоставите дел од состојките за фил од рецептот.
Состојки:
*чашата од јогурт се користи како мерка
4 јајца
1 чаша јогурт или киело млеко
1 чаша масло
2 чаши брашно (една обично и една чаша пченкарно)
1 кесичка прашок за пециво
сол по вкус
200гр. шунка
200 гр. сирење
4-5 кисели краставички
2-3 кисели пиперки
Инструкции:
Прво, исечкајте ја шунката и сирењето на помали парчиња, или изрендајте ги ако се во парче. Исечете ги киселите краставички и киселите пиперки на ленти.
Во сад за мешање, скршете ги јајцата, додадете го јогуртот и добро измешајте. Потоа додадете брашно со прашок за пециво и добро измешајте. Постепено додавајте го маслото и добро измешајте.
Додадете ја сечканата шунка, сирењето, киселите краставички и пиперките во смесата. Добро измешајте ги сите состојки за да бидат рамномерно распоредени.
Подмачкајте го и посипете го со брашно садот за печење. Префрлете ја смесата во сад и израмнете го.
Печете во претходно загреана рерна на 200 степени 30 минути.
