Нордиската диета станува сè попопуларна: Ги чисти цревата и го намалува холестеролот, а килограмите се топат сами од себе.
По празниците, многумина се свртуваат кон диети. Кога станува збор за здраво слабеење, нутритивно избалансираните диети се најдобри. Додека медитеранската исхрана долго време се смета за златен стандард на здрав начин на живот, нордиската исхрана исто така привлекува сè поголемо внимание.
Овој начин на исхрана е инспириран од традиционалните менија на луѓето од Данска, Финска, Исланд, Норвешка и Шведска. Иако е многу слична на медитеранската исхрана, нордиската исхрана истакнува неколку специфични разлики што ја прават единствена.
Што е нордиската диета?
Нордиската диета, позната и како скандинавска, се базира на сезонска и минимално преработена храна. Официјално беше воведена во 2012 година, кога Универзитетот во Кембриџ објави студија во која беа поставени упатствата за овој план на исхрана. Исхраната се потпира на три клучни принципи.
Главните намирници на нордиската исхрана:
Зеленчук: темнозелен лиснат зеленчук, свеж грашок, зелка, кромид, коренест зеленчук.
Мешунки: грав, леќа, сув грав.
Овошје и бобинки: боровинки, брусница, јаболка, круши, сливи.
Јаткасти плодови и семки: ореви, семки од сончоглед, сусам, костени.
Цели зрна: овесни трици, мусли, јачменова брашно, ‘ржан леб, тестенини од цело зрно.
Риба и морски плодови: лосос, харинга, ослиќ, штука, скуша, камбала, сом, туна.
Млечни производи со ниска масленост: сирење, путер, ферментирано млеко, јогурт.
Растителни масла и намази на база на растителни масла: масло од репка.
- Нордиската исхрана се фокусира на растенија, растителни влакна и морска храна, што ја прави слична на медитеранската исхрана, поради што често се споредуваат – објаснува диететичарката Дон Менинг за „Бест лајф“ , истакнувајќи ги главните разлики меѓу нив.
За разлика од медитеранската диета, која нагласува маслиново масло, нордиската диета се потпира на масло од репка (канола). Таа исто така содржи повеќе млечни производи со ниска масленост, додека медитеранската вклучува производи со полномаснотија. Слично на медитеранската диета, нордиската диета го ограничува и внесот на јајца и живина, со совет за намалување на потрошувачката на црвено и преработено месо.
Здравствени придобивки од нордиската исхрана
Губење на тежината и антиинфламаторни ефекти
Со следење на нордиската диета и избегнување на преработена храна, заситени масти, месо богато со холестерол и додаден шеќер, можете природно да ослабете. Покрај тоа, оваа диета може да го намали воспалението, кое е поврзано со зголемување на телесната тежина и развој на хронични заболувања. Студија од 2015 година, објавена во The American Journal of Clinical Nutrition , покажа дека нордиската диета ја намалува експресијата на воспалителни гени во поткожното масно ткиво на абдоменот.
Понизок холестерол и шеќер во крвта
Дури и независно од губењето на тежината, нордиската диета може да помогне во намалувањето на нивото на холестерол и шеќер во крвта. Студија од 2022 година објавена во „Клиникал нутрицион“ ги потврдува овие позитивни ефекти.
- Групата што ја следеше нордиската диета шест месеци покажа значително подобрување на здравјето: тие имаа пониски нивоа на холестерол, намалени вкупни нивоа на заситени и незаситени масти во крвта и подобра регулација на гликозата, во споредба со контролната група – објаснува Ларс Ове Драгстед, истражувач и раководител на Одделот за исхрана, вежбање и спорт на Универзитетот во Копенхаген.
Тој и неговиот тим веруваат дека овие здравствени придобивки првенствено се должат на незаситените масни киселини од маслата што се користат во нордиската исхрана.
Подобрено здравје на цревата
- Ферментираните млечни производи, како што се скир и кефир, обезбедуваат корисни пробиотици кои го поддржуваат здравјето на цревата и придонесуваат за хормонална рамнотежа – објаснува Браун.
Кефирот е особено истакнат како суперхрана поради неговата висока концентрација на здрави цревни бактерии, дури и повеќе од обичниот јогурт.
Понизок крвен притисок и подобро кардиоваскуларно здравје
Студија објавена во Journal of Internal Medicine покажа дека нордиската исхрана го подобрува кардиоваскуларното здравје: ги подобрува липидните профили во крвта, ја зголемува чувствителноста на инсулин и го намалува крвниот притисок на клинички значајни нивоа.
