Дома Светски дестинации Малезија го добива вториот највисок облакодер во светот (фото)

Малезија го добива вториот највисок облакодер во светот (фото)

735
0

Нов облакодер се гради во Куала Лумпур, Малезија, кој е втора највисока зграда во светот.

Станува збор за облакодер висок 678,9 метри со 118 ката. Облакодерот го доби името Мердека 118 и штотуку ја достигна највисоката висина, а работите ќе бидат завршени на крајот на 2022 година.

Облакодерот е дизајниран од компанијата Федер Кацалидис од Австралија, која исто така стои зад кулата Австралија 108. Надворешноста на облакодерот во Куала Лумпур е инспирирана од малезиската уметност и има триаголни стаклени делови.

Иако во светот се градат многу облакодери, ретко се случува да се пробијат во топ 5 највисоки.

Мердека 118 достигнува височина од 678,9 метри, но таа височина го вклучува и „копјето“, односно врвот, а без него висината е 644 метри, благодарение на што е сепак повисока од кулата Шангај, што му носи титулата на втората највисока зграда на светот. Прва е само Бурџ Калифа со висина од 828 метри.

Внатрешноста на кулата е околу 288.000 квадратни метри, поделена на 118 ката, и посебен деловен простор, хотелски простор, простор за продавници, луксузни апартмани и опсерваторија.

Облакодерот се наоѓа на голема површина каде движењето на автомобили е забрането, а е опкружен со зелени и водени површини.

Остави одговор

Ваш коментар
Вашето име