Да не зборуваме дека овој сок е поздрав од онај што го купуваме…
Се што ви е потребно е домашни јаболка кои не се прскани, добро е да се кориси и кората. Ако не сте сигурни дека не се прскани, ви препорачувам да ги излупите јаболката! Рецептот е едноставен, а вистинскиот есенски шмек му дава цимет.
Ве молиме имајте предвид дека можете да користите секаков вид јаболка, но задолжително пробајте варени јаболка и прилагодете ја количината на шеќер.
Состојки за 2 l сок:
1,5 кг јаболка
2 литри вода
1 кесичка лимонска кисина (лимонтус)
кора од лимон
10 гр мешавина од цимет и шеќер
350 гр кафеав шеќер (можете да користите други засладувачи)
прстофат сол
Подготовка:
Излупете ги јаболката и исечете ги на кришки. Префрлете ги во тенџере во кое ќе ги сварите.
Додадете лимонска киселина, кора од лимон, цимет со шеќер и кафеав шеќер.
Сè прелијте со вода и оставете да зоврие. Кога ќе зоврие, варете минимум 30 минути, додека јаболката целосно не омекнат.
Јаболката се матат со миксер додека не се добие густ сок.
Вратете го на оган тенџерето уште пет минути, вкусете и додадете уште цимет по желба.
Турете го сокот во стерилизирани стаклени шишиња со затворач . Добро затворете и оставете да се излади на собна температура.
Затворениот сок чувајте го на ладно место и отворениот чувајте го во фрижидер.
Извор: блог Славонка
