Знаци кои предупредуваат на лоша циркулација: Ја припишуваме на замор и стрес, а состојбата е многу посериозна
Многу симптоми што луѓето често ги припишуваат на замор, лоша исхрана или стрес, всушност можат да укажуваат на проблем со циркулацијата.
Лошата циркулација не ги погодува само постарите лица, туку може да се појави на која било возраст, особено кај оние кои водат нездрав начин на живот.
Промените на кожата често се првиот предупредувачки знак , може да се појави црвенило, синкави нијанси или бледило, особено на нозете и стапалата. Отекувањето на долните екстремитети, познато како едем, исто така укажува на слаб проток на крв. Покрај тоа, кршливите нокти и опаѓањето на косата може да бидат резултат на недоволна исхрана на ткивата со кислород и хранливи материи.
Дигестивни проблеми и слаб имунитет
Проблемите со варењето, ослабениот имунитет, како и постојано ладните раце и нозе се дополнителни индикатори дека циркулацијата не е во добра состојба. Чувството на замор е исто така честа појава, дури и со мали напори, бидејќи телото не добива доволно енергија.
Експертите советуваат да се реагира навреме и да се воведат здрави навики, редовната физичка активност, балансираната исхрана и контролата на стресот можат значително да ја подобрат состојбата и да спречат посериозни компликации.
