Вештачката интелигенција базирана на сликата на окото може да препознае и анализира болест
Истражувачите обучиле вештачка интелигенција со скенирање на повеќе од 10.000 очи и сега таа може да процени на кои пациенти со заболени рожници им е потребен итен третман, соопшти Европското здружение на хирурзи за катаракта и рефрактивни хирурзи.
Кај некои пациенти со кератоконус (болест на рожницата), доволно е само да се лекува болеста за да не напредува, додека кај други е неопходен итен третман за да се спречи трајно губење на видот.
Вештачката интелигенција ќе игра важна улога во иднина во зачувувањето на видот, намалувањето на бројот на трансплантации и преобликувањето на грижата за очите. Во студија презентирана на 43-от Конгрес на Европското здружение на хирурзи за катаракта и рефракција, беа презентирани резултатите од истражувањето.
Истражувањето се фокусираше на луѓе со кератоконус, оштетување на видот кое генерално се развива кај тинејџери и млади возрасни и има тенденција да се влошува во зрелоста.
Оваа болест се јавува кај до 1 од 350 луѓе. Во некои случаи, состојбата може да се контролира со контактни леќи, но кај други брзо се влошува и доколку не се лекува, на пациентите може да им биде потребна трансплантација на рожница.
Во моментов, единствениот начин да се утврди кој има потреба од третман е следење на пациентите со текот на времето.
Истражувачите користеле вештачка интелигенција за да ги евалуираат сликите од очите на пациентите, во комбинација со други податоци, и успешно да предвидат на кои пациенти им е потребен брз третман, а кои би можеле да продолжат да бидат следени.
Студијата ја спроведе д-р Шафи Балал и неговите колеги од очната болница „Мурфилдс“ при Фондацијата на Националната здравствена служба (NHS) во Лондон и Универзитетскиот колеџ во Лондон (UCL), Велика Британија. Балал објасни дека кај луѓето со кератоконус, рожницата – предниот прозорец на окото – се испакнува нанадвор.
Како што наведе тој, кератоконусот предизвикува оштетување на видот кај млади пациенти на работоспособна возраст и е најчеста причина за трансплантација на рожница во западниот свет.
