СИТЕ НИЕ би сакале секое утро да се будиме свежи и одморени, но реалноста е често поинаква. Постојат бројни причини за тоа, а меѓу клучните се навиките кои ги имаме пред спиење. Тие можат значително да влијаат на нашиот изглед, па затоа понекогаш се будиме со отечена, црвена или дехидрирана кожа.
Таквите навики може да ги влошат постоечките проблеми со кожата и да ја оштетат заштитната бариера на кожата, што доведува до сувост, воспаление, иритација и други неправилности. За HuffPost, дерматолозите издвоија седум вообичаени ноќни навики кои му штетат на вашиот утрински изглед.
Со оглед на тоа што кожата на лицето е потенка, подуеноста поради задржување на водата најмногу ќе се забележи на лицето, особено околу очите, додаде Чан. Иако не е реално, ниту удобно целосно да се исклучи солената храна, добра идеја е да се ограничи внесот на солени оброци вечерта пред важен настан.
Речиси е излишно да се спомене дека консумирањето алкохол не придонесува за добар изглед. „Пијалок пред спиење или чаша вино со вечера ќе ги прошири вашите крвни садови и ќе предизвика зголемено задржување на течности, што ќе го забележите како надуеност наутро“, рече Чан.
Спиењето во сува просторија, што е чест проблем во зима поради греењето, може лошо да влијае на здравјето на вашата кожа, смета д-р Фарханг. „Ако веќе имате чувствителна кожа поради розацеа или ако егземата ви се влошува, во сува просторија кожата станува уште почувствителна. Тоа е затоа што сувата кожа во основа значи оштетена заштитна бариера“, рече таа.
Сувиот воздух, исто така, предизвикува кожата да губи вода, но овлажнител „може да ја хидрира кожата“, додаде д-р Чан. На овој начин вашата кожа ќе изгледа и ќе се чувствува подобро наутро.
„За кожата, истражувањето на деноноќниот ритам – нашиот внатрешен 24-часовен часовник – покажа дека кожата се обновува ноќе. Голем дел од обновувањето на заштитната бариера на кожата се случува токму тогаш“, додаде Чан.
„Доколку имате навистина сува кожа и користите вазелин или аквафор неколку пати неделно за дополнителна влажност, тоа се нарекува лупење“, рече Чан. „Во суштина, таков слој делува како проѕирен филм или завој над кожата и го оптимизира обновувањето на нејзината заштитна бариера. На овој начин ќе се разбудите со помазна, поеластична и хидрирана кожа, истакна таа.
Иако самите алергии не се навика, не земањето лекови за нив секако е. Возени очи и затнат нос не само што се непријатни, туку и алергиите можат да направат да изгледате прилично надуено, објасни д-р Фарханг. „Алергиите можат да придонесат за отекување на лицето повеќе отколку што мислат луѓето.Може да добиете навистина, навистина подуени, особено околу носот и под очите, каде што се синусите“, рече таа.
Иако не мора целосно да го менувате вашиот животен стил за утрински изглед, усвојувањето на гореспоменатите здрави практики може да има корист за целото тело, а не само за вашето лице.
Извор: index.hr
