Дома Здравје Овие три здравствени проблеми почесто ги погодуваат мажите отколку жените

Овие три здравствени проблеми почесто ги погодуваат мажите отколку жените

434
0


Одредени болести почесто ги погодуваат мажите отколку жените, а многу често симптомите на овие болести не се забележуваат навреме, што значи дека многу мажи предолго го одложуваат барањето помош.

Така, експертите во Велика Британија објавија извештај за состојбата на здравјето на мажите, анализирајќи ги болестите кои се најраспространети кај светската популација и дојдоа до интересно откритие.

Имено, според нивните досегашни сознанија, дури три здравствени проблеми се јавуваат почесто кај мажите отколку кај жените, а во продолжение ќе ви кажеме за кои точно болести станува збор.

Проблеми со забите

На прво место на честите машки болести се проблемите со забите. Тие имаат стапка на преваленца од 47 отсто и се наоѓаат кај повеќе од 44.000 мажи од вкупно 100.000, велат експертите. Претходните истражувања ја потврдија врската помеѓу одредени состојби на оралното здравје и смртноста.

„Значаен број случаи на губење на забите, чест кариес на забниот корен и пародонтални заболувања беа поврзани со зголемена стапка на смртност, а тоа се случи најмногу кај машката популација“, се вели во студијата објавена во Националната библиотека за медицина.

Стоматолозите советуваат дека сето тоа може да се спречи со правилна хигиена и здрава исхрана, а особено го нагласуваат миењето заби најмалку два пати на ден, чистењето со конец при секое миење и редовните контроли.

Главоболка

Вториот најчест здравствен проблем што ги погодува мажите на глобално ниво е главоболката. Дури 44 илјади од сто илјади мажи хронично страдаат од главоболки. Иако во повеќето случаи тие не се опасни по живот, главоболките можат да бидат многу исцрпувачки, непријатни и негативно да влијаат на секојдневниот живот на личноста која страда од нив.

„Нарушувањата со главоболка се меѓу најчестите нарушувања на нервниот систем, а најновите истражувања покажуваат дека најмногу се изложени на ризик мажите“, објави во таа прилика Светската здравствена организација.

Туберкулоза

Третата најчеста болест кај мажите во светот е туберкулозата. Оваа бактериска инфекција се шири со вдишување на ситни капки од кашлица или кивање на заразено лице. Тоа е сериозна состојба, но може да се излечи со соодветна дијагноза и терапија која првенствено е фокусирана на зајакнување на белите дробови“, објаснуваат од Националната здравствена служба (NHS).

Остави одговор

Ваш коментар
Вашето име