Опасен знак на ноктите што многумина го игнорираат може да укажува на срцеви заболувања
Едноставна и брза проверка на вашите нокти може да открие дали страдате од сериозно срцево заболување, предупреди еден лекар. Притисокот врз вашиот нокт може да открие суптилен, но опасен предупредувачки знак што многу луѓе го игнорираат.
Доктор Џо Витингтон, познат на социјалните мрежи како д-р Џо, предупреди за таканаречениот Квинкеов знак. Станува збор за феномен каде што ноктот, по лесен притисок, наизменично менува пулсирачки нијанси на розова и бела боја.
Овој симптом може да укажува на аортна регургитација, состојба во која крвта тече назад во срцето, наместо надвор кон остатокот од телото. Доколку не се препознае навреме, може да доведе до срцева слабост, а во тешки случаи и до смрт. „Ако го забележите ова, тоа е лош знак“, вели д-р Џо.
Како да ги проверите ноктите?
Едноставно лесно притиснете го ноктот и набљудувајте ја пулсирачката промена помеѓу бледо и розово. Докторот објаснува дека ова се случува затоа што срцевите залистоци не функционираат правилно, па пулсот во артериите станува посилен и видлив на ноктот. Оваа трага ја користат лекарите за да помогнат во дијагностицирањето на срцеви проблеми.
Важноста на Квинкевиот знак е потврдена и со случај опишан во Британскиот медицински журнал во 2021 година. Кај еден 74-годишен пациент, пулсацијата на ноктите била клучна за откривање на срцева слабост. Покрај тоа, тој имал и други симптоми, како што се отежнато дишење, оток и зголемен притисок во вените.
Експертите објаснуваат дека Квинкеовиот знак најчесто е поврзан со тешка инсуфициенција на аортна валвула, иако може да се појави и во други состојби.
Други предупредувачки знаци
Британската национална здравствена служба (NHS) наведува други симптоми кои можат да укажуваат на срцева слабост. Тие вклучуваат отежнато дишење, отечени глуждови и стапала, вртоглавица, несвестица, постојана кашлица (која се влошува ноќе), свирење во градите, отечен абдомен, губење на апетит, ненадејни промени во тежината, конфузија и брзо или неправилно чукање на срцето.
Доколку ги забележите овие симптоми, важно е што поскоро да се консултирате со лекар. Во случај на ненадејни или екстремно сериозни симптоми, веднаш треба да побарате итна медицинска помош.
