Дома Живот Храна што можете да ја јадете навечер

Храна што можете да ја јадете навечер

804
0

Обидете се да се храните здраво и урамнотежено во текот на денот. Меѓутоа, кога ќе дојде ноќта, чувствувате глад што не знаете како да го потиснете, без да го расипете целиот труд што сте го вложиле. Во случај на вечерен глад, погледнете што е најдобро да јадете, а што нема да им наштети на вашите здрави навики. Почестете се со овие закуски.

Овошје или зеленчук со путер од кикирики

Путерот од кикирики е богат со протеини и здрави масти, а во комбинација со овошје или зеленчук е одлична ужина. Едноставно умерено намачкајте со путер на парчиња јаболко, банана или целер.

Тортиљи од банана

Бананите одлично се комбинираат со путер од бадеми. За ужината да биде уште подобра, направете тортиљи. На интегрална тортиља нанесете умерена количина путер од бадеми и одозгора ставете банана. Посипете малку цимет и завиткајте ја тортиљата, исечете ја на помали парчиња и послужете.

Печен наут

Наутот е храна која е исклучително хранлива. Тој е одличен извор на протеини и некои минерали, а печениот наут е вкусна и крцкава закуска. Подгответе го во рерна и зачинете по желба – додадете чили, медитерански зачини, пиперка во прав… Има многу можности.

Хумус

Од наут можете да направите вкусен намаз. Можете едноставно да намачкате хумус на леб и да додадете свеж зеленчук или да го јадете како намаз со зеленчук. Популарна комбинација е, на пример, хумусот и морковот.

Чипс од зеленчук

Исечете ситно разни зеленчуци, зачинете по вкус и печете во рерна на пониска температура додека не стане крцкава. Цвекло, тикви, моркови и кељ се најчесто користени зеленчуци. Како зачин можете да користите лук во прав и мелена пиперка.

Извор: aktivna.si

Претходна објаваПребиотиците го штитат здравјето на органите за варење, пробиотиците го зајакнуваат имунитетот. А за што служат СИНБИОТИЦИТЕ?
Следна објаваГрчкиот остров „Одисеј“ изгледа како парче рај

Остави одговор

Ваш коментар
Вашето име