Дома Здравје Се будите со главоболка? Еве шест можни причини

Се будите со главоболка? Еве шест можни причини

1389
0

Се будите со главоболка? Еве шест можни причини

Ако одиме во кревет со главоболка, голема е веројатноста таа да се смири до утро. Сепак, не сите имаат толку среќа. Според истражувањата, еден од тринаесет луѓе се буди со главоболка, а има неколку причини зошто тоа се случува.

Апнеја при спиење
Според невролозите, хроничните утрински главоболки обично се или мигрена или главоболки на напнатост. Мигрената е мачна болка на едната страна од главата, придружена со чувствителност на светлина или гадење.

Тензичните главоболки обично се манифестираат како силен притисок околу главата. Поголема е веројатноста да ги доживеете ако страдате од анксиозност или депресија.

„Без оглед на видот на главоболката, таа може да биде резултат на апнеја при спиење. Ако вашиот партнер се жали дека здивнувате, шмркате или се гушите и грчете гласно, голема е веројатноста дека ја имате таа состојба“, вели д-р Насими Шадбер за Self.

Други симптоми на апнеја при спиење вклучуваат чувство на екстремен умор, тешкотии со концентрирање и промени во расположението.

Крцкање заби ноќе
Друга ноќна навика која би можела да биде виновник за утринската главоболка е крцкањето заби во сон или бруксизмот. Многумина од нас не се ни свесни дека тоа го правиме. Оваа навика може да создаде многу напнатост во вилицата, што пак може да предизвика силна утринска главоболка.

Лош сон
Лошиот квалитет на сон може да предизвика главоболки, додека подобрениот сон може да ги ослободи. Доколку страдате од несоница и лошо спиете, внимавајте на стресот, анксиозноста, депресијата и консумацијата на кофеин, алкохол и никотин и проверете ја околината во која спиете.

Експертите советуваат да одите во кревет и да се будите во исто време секој ден и да се опуштите со книга или топла бања пред спиење наместо да гледате телевизија. Редовното вежбање и затемнетата просторија исто така можат да помогнат.

Лекови против болки
Пречестото или предолго земање лекови против болки може да предизвика главоболки.

Храна и пијалок
Алергиите и чувствителноста на храна може да предизвикаат мигрена, според истражувањето објавено во списанието за главоболка и болка.

Студијата од 2020 година објавена во списанието Nutrients покажа дека обработената храна, црвеното вино и зрелите сирења се вообичаени виновници. Кафето може да биде и причина за утринска главоболка. Кофеинот треба да се избегнува попладне.

Анксиозност или депресија
Ако страдате од анксиозност или депресија, можеби сте повеќе склони кон главоболки. Важно е да побарате помош од вашиот општ лекар ако мислите дека сте депресивни. Лекарот може да помогне и ако вашата анксиозност влијае на вашиот секојдневен живот или ви предизвикува проблеми.

Cancer Research UK препорачува да посетите лекар ако имате главоболки придружени со гадење, ако главоболката ве буди во текот на ноќта, ако имате проблеми со видот или ако главоболката се влошува во текот на неколку недели или месеци.

Остави одговор

Ваш коментар
Вашето име