Ѓумбирот ефикасно ја стимулира подвижноста во дигестивниот тракт
Постојат многу билки чие дејство може да ја подобри подвижноста на дигестивниот тракт. Таканаречените прокинетички билки го поддржуваат варењето така што го олеснуваат минувањето на содржината низ цревата, а ѓумбирот е меѓу најефикасните.
За побрзо празнење
Ѓумбирот е прокинетичка билка број еден според билкарите. Освен што го модулира инфламаторниот одговор, има антивирусно дејство и ја стимулира циркулацијата, ефикасно ја стимулира подвижноста во дигестивниот тракт. Од античко време се користи за лекување на дигестивни проблеми, а истражувањата покажаа дека може да го зголеми и забрза движењето на дебелото црево, што е многу корисно за луѓето кои страдаат од гастропареза (тешко празнење на желудникот во дуоденумот поради нарушена гастрична подвижност) . Докажано е дека ѓумбирот влијае на ензимите трипсин и панкреасната липаза за време на дигестивниот процес, што ја забрзува подвижноста и празнењето на желудникот.
Како да направите тоник
Добар начин да го користите ѓумбирот за да го забрзате варењето е да направите тоник. Во сад ставете 2 чаши вода и загрејте додека не зоврие. Потоа додадете рендан корен од ѓумбир во водата, оставете да се вари 3-4 минути, а потоа истурете го напитокот во чаша и исцедете половина парче лимон во неа. Најдобро е да го пиете овој тоник пред оброк.
