Дома Здравје Ова се 6 трикови кои природно ќе ви го снижат холестеролот во...

Ова се 6 трикови кои природно ќе ви го снижат холестеролот во крвта!

926
0

Ова се 6 трикови кои природно ќе ви го снижат холестеролот во крвта!

Иако многу луѓе мислат дека лековите се спасувачки, најважно за луѓето кои сакаат да се ослободат од вишокот маснотии во крвта е да ја намалат исхраната.

Со покачен холестерол во крвта, можноста за срцеви заболувања е поголема за 70%. Затоа мора да се грижите за здравјето на крвта и органите, а не само за физичкиот изглед.

  1. Избегнувајте големи порции

Експертите велат дека порциите што се консумираат кај нас се двојно поголеми од оние што се препорачуваат за здравје. Со оглед на тоа, не треба да нè чуди фактот што секојдневно се зголемува бројот на дебели луѓе.

Ако не знаете колку треба да биде порција, користете ја дланката. Имено, еден оброк од месо или риба треба да одговара на големината на вашата испружена дланка. Една порција овошје и зеленчук треба да биде голема колку целата тупаница. Од друга страна, порција ориз, тестенини и варен зеленчук не треба да ја надминува големината на полузатворена тупаница.

  1. Јадете храна која е добра за срцето

Овошјето и зеленчукот го намалуваат нивото на лошиот холестерол – ЛДЛ холестеролот. Затоа, потрудете се секој оброк да го збогатите со овошје или зеленчук во текот на денот. Исто така, храната богата со растителни стероли, на пр. маргаринот и јогуртот помагаат во намалување на ЛДЛ холестеролот.

  1. Јадете риба и морски плодови

Двапати неделно мора да вклучите риба или некоја морска храна во вашето мени бидејќи тие имаат ниско ниво на заситени масни киселини и високо ниво на Омега-3 масни киселини, кои се многу здрави. Рибата помага во намалување на триглицеридите во крвта и лошиот ЛДЛ холестерол. Особено се препорачува внесување на морска риба како лосос, туна и сардина.

  1. Цели зрна за појадок

Појадокот од цели зрна ќе има корисен ефект врз вашето тело во текот на денот. Имено, влакната од цели зрна помагаат подолго да се чувствувате сити, па нема да се прејадувате за ручек.

  1. Незаситените масни киселини го штитат срцето

Не сите масти се лоши, бидејќи нашето тело копнее за маснотии. Незаситените масни киселини како оние од маслиновото масло го намалуваат лошиот и го зголемуваат добриот HDL холестерол. Сепак, треба да го користите умерено бидејќи и добрите масти содржат калории.

  1. Прошетка

Ако помислата да одите во теретана или фитнес ве изнервира, тогаш пешачете. За оваа лесна и здрава навика потребни ви се добри патики и по можност придружник, било да е тоа човек или куче.

Остави одговор

Ваш коментар
Вашето име