Дома Здравје Неочекувани причини зошто може да имате прекумерна тежина

Неочекувани причини зошто може да имате прекумерна тежина

644
0

Зголемувањето на телесната тежина во повеќето случаи има прилично едноставно објаснување – внесувате премногу калории од храна и пијалоци и вашата физичка активност е намалена во однос на претходното ниво, што резултира со калориски вишок и, следствено, зголемување на телесната тежина.

За оптимална телесна тежина најважен е правилниот сооднос на внесената храна и потрошувачката на енергија, но ако правиме се како и обично, се храниме здраво и редовно тренираме, а килограмите продолжат да се таложат, тогаш причината за необјаснето зголемување на телесната тежина може да се крие на друго место.

Одредени лекови
Различни лекови што ги користите може да предизвикаат ненадејно зголемување на телесната тежина. Апчиња за контрацепција, стероиди, бета-блокатори или лекови за мигрена може да предизвикаат зголемување на телесната тежина. Имено, тие делуваат така што го зголемуваат апетитот и го забавуваат метаболизмот, што е буквално главната причина за дебелеење без прејадување или некоја друга грешка. Доколку забележите дека на вашата тежина влијае лекот што го земате, нутриционистите советуваат да побарате од вашиот лекар да ви препише друг вид на лек без такви несакани ефекти, се разбира, доколку е можно.

Менопауза
За време на менопаузата, метаболизмот на речиси сите жени се забавува, тие се подепресивни, имаат полош сон, а апетитот им се зголемува. Хормонот естроген, кој служи и за одржување на оптимална телесна тежина, полека исчезнува, па килограмите почнуваат побрзо да се таложат, објаснуваат лекарите. На жените во менопауза затоа им се препорачува посебно внимание да посветат на здрава исхрана и редовно вежбање.

Недостаток на витамини или минерали

Друга неочекувана причина за зголемување на телесната тежина може да биде недостаток на витамини или минерали во телото. Имено, недостатокот на витамин Д, магнезиум и железо може да го загрози имунитетот и да влијае на нивото на енергија, а со тоа и на вашите активности.

Доколку немате енергија за здрав начин на живот и вежбање, вишокот килограми полесно ќе се акумулираат, а експертите советуваат дека доколку се сомневате во недостаток на витамини или минерали во организмот, не би било лоша идеја да им го проверите нивото во крвта. .

Проблеми со спиењето
Мислиме дека не треба да нагласуваме колку е важен квалитетниот сон и за менталното и за физичкото здравје. Многу луѓе не успеваат да ја исполнат препорачаната количина од осум часа сон во текот на ноќта, а докажано е дека долгорочниот недостаток на сон има низа штетни последици по здравјето на луѓето.

Многу студии дојдоа до резултати кои покажуваат дека недостатокот на сон влијае на зголемување на телесните масти, зголемен ризик од дебелеење и успех во губењето килограми, дури и ако го контролирате внесот на калории.

Претходна објаваЗдраво стареење? Еве неколку навики за поквалитетен зрел живот
Следна објаваОва е најдоброто место за сушење алишта во затворен простор

Остави одговор

Ваш коментар
Вашето име