Дома Здравје Направете домашни пастили кои помагаат за болно грло

Направете домашни пастили кои помагаат за болно грло

978
0

Направете домашни пастили кои помагаат за болно грло

Во сезоната на настинки ви откриваме како сами да направите природни бонбони кои ќе ја ублажат досадната кашлица и ќе ја смират болката во грлото. Освен што се лековита бомба, овие бонбони имаат и одличен вкус

Состојки за пастили за грло:

1 чаша шеќер

половина чаша вода

1 лажица сок од лимон

1 лажица мед

половина лажичка мелен ѓумбир

четвртина од лажичка мелено каранфилче

Постапка за пастили за грло:

Во сад ставете шолја шеќер и половина шолја вода. Исечете го лимонот на половина и исцедете една лажица сок од едната половина во сад (сокот од лимон е богат со витамин Ц) и додадете лажица мед, кој има антибактериски својства, го смирува воспаленото грло и го спречува кашлањето.

Додадете половина лажичка мелен ѓумбир, кој го зајакнува имунитетот, го потиснува воспалението, ги ублажува болките и мачнините и на крајот додадете четвртина лажичка мелено каранфилче. Ако немате мелено каранфилче, можете да земете суви каранфилчиња и сами да ги сомелете. Каранфилчето го намалува производството на слуз, има антисептично дејство и е преполно со антиоксиданси.

Ставете го садот на оган и добро измешајте ги состојките. Кога ќе почне да врие, повторно промешајте и намалете ја топлината на минимум. Оставете го нежно да се вари 15 до 20 минути и мешајте одвреме-навреме. Додека смесата врие, подгответе плех и обложете го со хартија за печење.

Кога ќе поминат 15 до 20 минути, тргнете ја тавата од оган и оставете ја да се излади неколку минути. Смесата треба да биде густа, темна и сирупета. Со лажица истурете ја смесата во тавчето така што со лажицата ќе намачкате мала количина од смесата и ќе ја истурите во тавата, при што ќе направите мали овални бонбони.

Внимавајте да не изгорите бидејќи смесата е сеуште многу топла. Може да користите и кујнски шприц за правење бонбони, но само доколку сте доволно вешти бидејќи смесата е топла.

Кога ќе ги направите бонбоните, оставете ги да се изладат 20 минути и посипете ги со шеќер во прав, кој ќе спречи да се залепат. Потоа извадете ги од хартијата и протресете ги во сад за да бидат добро покриени со шеќер во прав. Бонбоните сега се подготвени за консумирање.

Дополнителни совети: за да можете секогаш да носите бонбони со себе и да ги имате при рака, земете една лимена кутија, обложете ја со парче хартија за печење и наполнете ја со бонбони.

Можете да направите и лековит напиток – ставете две бонбони во шолја топла вода, оставете ги да се стопат, промешајте и испијте.

Остави одговор

Ваш коментар
Вашето име