7 намирници кои ги намалуваат алергиите: Ако страдате од нив, мора да ги јадете овие
Покрај заштитата од алергени и редовната употреба на антихистаминици по препорака на лекар, истражувањата покажуваат дека одредени видови храна можат да ги ублажат симптомите и да ги намалат воспалителните процеси во телото.
Пролетта е прекрасно време, но за многу луѓе, алергиите на полен можат целосно да го расипат уживањето во природата. Солзи, чешање, течење на носот, кивање и кашлање можат да го направат најубавиот дел од годината вистинска борба.
Кога телото ги препознава алергените од поленот како опасни супстанции, имунолошкиот систем ослободува хистамин и други хемикалии, кои предизвикуваат различни симптоми, од иритирани очи, нос и грло, до кашлање и кивање, па дури и потешки реакции во ретки случаи.
Храна што помага при алергии:
Кромид
Кромидот е богат со кверцетин, природен флавоноид кој може да дејствува како природен антихистамин и да ги ублажи симптомите на сезонски алергии.
Суровиот црвен кромид има најмногу кверцетин, проследен од кромидот и младиот кромид. Покрај тоа, кромидот содржи и антиинфламаторни и антиоксидантни соединенија, како и пребиотици кои помагаат за здравјето на цревата и имунитетот.
Ѓумбир
Воспалението и отокот во носот, очите и грлото се поврзани со алергии, а ѓумбирот може да ги намали овие тегоби со своите антиинфламаторни својства.
Пчелен полен
Пчелиниот полен често се користи како природна помош при алергиски ринитис .
Има антиинфламаторни, антигабични и антимикробни својства, а истражувањата покажуваат дека може да го блокира активирањето на мастоцитите, што е клучен чекор во развојот на алергиска реакција.
Агруми
Овошјето богато со витамин Ц, како што се портокалите, лимоните, мандарините и грејпфрутот, можат да ги ублажат симптомите на алергиски ринитис и иритација на горните дишни патишта предизвикани од поленот.
Куркума
Куркумата содржи куркумин, моќна антиинфламаторна состојка. Иако сè уште не е доволно проучена кај луѓето за сезонски алергии, се смета дека помага при отокот и иритацијата предизвикани од поленска треска.
Домат
Доматите се добар извор на витамин Ц и ликопен, антиоксиданс кој го намалува воспалението во телото. Ликопенот подобро се апсорбира кога доматите се термички обработени, па затоа се препорачува готвење или лесно печење.
Лосос и масна риба
Омега-3 масните киселини, присутни во масната риба, можат да ги ублажат алергиите и астмата . Студиите покажуваат дека повисокото ниво на овие киселини во телото ја намалува чувствителноста на полен и помага во проширувањето на дишните патишта кај астма и сезонски алергии.
