Според рецептот на нашите прабаби – ролните Бунар ве враќаат во детството
Бунар кифлиците се стар рецепт што го знаела секоја домаќинка во поранешна Југославија, а тајната е во посебната подготовка на тестото.
Бунар кифлите го добиле своето име по начинот на кој се правеле. Тоа е посебна подготовка на тесто кое бавно нараснало на студ. Бидејќи во минатото немало фрижидери, замесеното тесто се спуштало во бунарот, па оттука и името.
Рецептот се пренесувал од генерација на генерација, а во поранешна Југославија немало домаќинка која го немала овој рецепт. Можете да ги наполните кифличките со џем по ваш вкус, а тие се подеднакво убави и додека се топли, но и кога стојат.
Состојки:
800 г брашно
350 г масти
2 јајца
1 пакетче квасец
250 мл млеко
2 лажици шеќер
150 г шеќер во прав
џем по вкус
Подготовка:
Издробете го квасецот во топло млеко, додадете една лажица шеќер и оставете го да се активира. Изматете ја маснотијата со преостанатиот шеќер и јајца. Постепено додавајте брашно и квасец во маснотијата, а потоа замесете мазно тесто. Покријте со фолија и оставете го во фрижидер преку ноќ.
Следниот ден, поделете го тестото на три еднакви дела. Секој од нив развлечете го на дебелина од околу половина сантиметар, а потоа исечете го на 9 еднакви триаголници. Додадете една лажица џем на поширокиот дел и завиткајте ги кифличките.
Наредете ги во плех обложен со хартија за печење, а потоа печете ги на 180 степени максимум 20 минути. Погрижете се вашите ролни да останат што е можно побели или да се само малку заруменат. Додека се уште топли, извалкајте ги во шеќер во прав.
