Салата „зелена божица“: Готова за само 20 минути
Освежете го вашето мени со рапсодијата од вкусови што „зелената божица“ ги носи на масата.
Ако ви е потребен здрав, лесен и заситувачки оброк што можете да го спакувате и да го понесете со себе, салатата „зелена божица“ е хит. Полна е со свеж зеленчук, миризливи зачини и кремаст дресинг.
Не бара готвење, не одзема многу време и е готов за само 20 минути. Идеален е за работа, факултет или патување, а е доволно хранлив за да ве држи сити со часови.
Можете да ја подготвите однапред и да ја чувате во фрижидер, бидејќи ја задржува својата свежина и вкус следниот ден. Без глутен, вегетаријанска и лесно прилагодлива, оваа салата е доказ дека брзиот оброк може да биде и здрав и вкусен.
Состојки:
мерна чаша од 200 мл
За дресингот:
✅ 1 чаша грчки јогурт
✅ 3 лажици сок од лимон
✅ 2 лажички маслиново масло
✅ 1 лажичка сенф
✅ 1 лажичка мед
✅ сол по вкус
✅ половина лажичка лук во прав
✅ 1 и пол шолји мешавина од свежи зачини (магдонос, босилек, власец, копар или коријандер)
За салатата:
✅ половина глава млада зелка, тенко исечена
✅ 1 средна краставица, исечена на коцки
✅ 1 чаша грашок (одмрзнат)
✅ 1 чаша ситно сечкан спанаќ (може и рукола)
✅ 1 чаша индиски ореви
✅ малку свеж босилек, грубо исечкан
✅ 2 млади кромидчиња
Подготовка:
Во блендер или сечкалка ставете јогурт, сок од лимон, маслиново масло, сенф, мед, малку сол, лук во прав и свежи билки. Блендирајте додека не добиете целосно мазна, кремаста смеса, а потоа тргнете го дресингот настрана за да се соединат вкусовите.
Во голем сад, измешајте ситно исечкана зелка, краставица, грашок, спанаќ, индиски ореви, босилек и млад кромид. Нежно измешајте сè за состојките да бидат рамномерно распоредени.
Прелијте го подготвениот дресинг врз салатата и добро измешајте за да го премачкате зеленчукот со кремастиот дресинг. Доколку сакате, можете да користите растителен грчки јогурт за посна верзија, а доколку сакате позаситувачки оброк, додадете печено пилешко. Дресингот може да се подготви однапред и да се чува во фрижидер до пет дена.
Сервирајте ја салатата веднаш или оставете ја во фрижидер до сервирање. Најчесто се јаде со тортиља чипс, кои му даваат на секој залак дополнителна крцкавост.
