Растение кое помага при анемија: Го има на секој агол и ја прави крвната слика беспрекорна
Кога зборуваме за храна богата со железо, сите помислуваат на црвено месо. Сепак, малкумина знаат дека еден од најмоќните природни извори на овој минерал се наоѓа насекаде околу нас во копривата.
Ова често запоставено растение, особено неговите млади листови, е богато со железо , како и со витамини Ц и К, кои помагаат за негова подобра апсорпција во телото. Затоа се користи со векови за зајакнување на крвта и општото здравје.
Железото е од клучно значење за организмот бидејќи учествува во создавањето на хемоглобинот, транспортира кислород низ телото и го зајакнува имунитетот. Неговиот недостаток може да доведе до замор, слабост и намален отпор. Препорачаниот дневен внес е околу 8 мг за мажи, 18 мг за жени, додека на бремените жени им се потребни до 27 мг.
Покрај копривата , постојат и други растителни намирници кои придонесуваат за здрава крвна слика.
Спанаќот е еден од најбогатите извори на железо, особено кога се комбинира со витамин Ц. Сувите кајсии, смоквите и сувото грозје се практична и хранлива ужина, додека цвеклото, благодарение на железото и фолната киселина, дополнително помага во формирањето на црвените крвни зрнца. Јагодите, иако не содржат големи количини железо, значително ја подобруваат неговата апсорпција поради високата содржина на витамин Ц.
Природата нуди едноставно и прифатливо решение за подобра крвна слика. Со вклучување на коприви и разновидно овошје и зеленчук во вашата дневна исхрана, можно е природно да се зголемат нивоата на железо и да се врати енергијата без скапи додатоци во исхраната.
