Жените кои го пијат овој пијалок живеат подолго и се поздрави: Редовното консумирање може да го намали и ризикот од одредени видови рак
Ново истражување покажа дека жените кои редовно пијат кафе живеат подолго.
Истражување кое траело дури 30 години и во кое биле вклучени повеќе од 47.000 жени покажало дека умереното консумирање кафе може да придонесе за здраво стареење.
Здравото стареење во овој контекст значи живеење до старост без сериозни хронични заболувања, со зачувана физичка и ментална функција. Жените кои консумирале околу 315 мг кофеин дневно (околу 2-3 шолји кафе) имале поголема веројатност да останат здрави во староста. Секоја дополнителна шолја кафе била поврзана со 2-5% поголема шанса за овој исход до пет шолји дневно.
Спротивно на тоа, консумирањето кафе без кофеин, чај или газирани пијалоци не покажало ист ефект, газираните пијалоци дури биле поврзани и со помали шанси за здраво стареење, пишува „ Bestlife “.
Истражувачите истакнуваат дека кафето содржи корисни биоактивни соединенија како што се кофеинот, антиоксидансите и полифенолите кои можат да придонесат за здравјето на мозокот, срцето, па дури и да го намалат ризикот од одредени видови рак.
Сепак, важно е да се напомене дека кафето не им се допаѓа на сите подеднакво. Луѓето со проблеми со срцето, спиењето или анксиозноста треба да бидат внимателни.
