Што може да предизвика мигрена?
Постојат многу причини поради кои се јавува мигрена, но има и некои други работи кои можат да предизвикаат мигрена кои можеби не сте ги знаеле.
Спиење предолго
Веројатно знаете дека можноста за главоболка се зголемува доколку не сте спиеле добро, но всушност е спротивното. Докажано е дека мигрената се јавува почесто откако човек спие подолго од вообичаено. Зошто? Мигрените не сакаат да ја менуваат својата рутина, а долгото спиење го прави токму тоа, а потоа почнуваат многу непријатни болки. Најдобро е да се будите секое утро – вклучително и викендите – во исто време.
Мир после стрес
Сосема е логично стресот да предизвикува проблеми, но и мирот кој се јавува веднаш по стресна ситуација. Имено, телото реагира на стрес со зголемено ниво на хемикалии, кои потоа нагло опаѓаат. Таквата ненадејна промена на нивото на хормоните може да предизвика мигрена. Ова е и причината зошто мигрените може да се појават за време на викендот или веднаш штом одиме на одмор.
Дождот
Иако нема конкретни научни докази за поддршка на оваа теза, објавено е дека мигрената се јавува почесто за време на дождливите денови. Многу луѓе кои страдаат од мигрена велат дека тоа е моментот кога се најлоши.
Тирамин и танин во храната
Не секоја храна предизвикува мигрена, но храната која содржи тирамин предизвикува мигрена. Храна која содржи тиранин се црвено вино, сирење, преработено месо и свинско месо. Не делува добро ниту танинот, кој може да се најде во црвеното вино, чајот, кафето и некои сокови. Таквата храна може да предизвика болна мигрена, па затоа не е лоша идеја да ја избегнувате.
Некои парфеми
Силните парфеми може да предизвикаат тешки мигрени кај некои луѓе. Имено, силните мириси стимулираат одредени центри во мозокот, кои потоа предизвикуваат мигрена. Ова е многу чест случај кај луѓе кои се чувствителни на мириси. Ситуацијата може да биде доста непријатна кога луѓето во ваша близина носат силни парфеми, а вие се чувствувате слаби…
Кафе
Кафето е прилично збунувачка храна бидејќи не е добро кога го пиеме, но не е добро и кога не го пиеме. И двете можат да предизвикаат мигрена – премногу кофеин, но и премалку кофеин, особено ако сте навикнати на одредена количина секој ден. Решение? Како и секогаш – умереност.
Алкохол
Телото го метаболизира алкохолот во ацетат, кој многу често може да предизвика мигрена кај луѓето кои се склони кон него. Затоа, не треба да пиете алкохол ако веќе сте доживеале мигрена. Ако сепак понекогаш сакате да наздравите, внимавајте на количината и не претерувајте за да не се грчете од болки утрото потоа.
Сексуални односи
Верувале или не, дури и сексот може да предизвика мигрена. Експертите не знаат точно зошто се случува ова, но веруваат дека тоа е поврзано со хемиските промени во мозокот кои се случуваат за време на сексот. Овој предизвикувач на мигрена може да се ублажи со редовно вежбање. На овој начин го подготвувате мозокот за хемиски промени при сексуален однос.
