Самодовербата не е особина со која сме родени, туку особина што ја градиме во текот на животот. На сите им е јасно дека за градење самодоверба не постои магична формула која треба да се следи за да се добијат посакуваните резултати.
Недостатокот на доверба во сопствените вредности многу влијае на нашиот живот, без разлика дали се работи за работа, љубов или најобични секојдневни активности и јавни настапи. Иако сме свесни дека патот на секој човек е единствен кога станува збор за градење самодоверба и дека не постои докажан рецепт за тоа, ние ви носиме три насоки кои ќе ви го олеснат патот.
БИДИ ХРАБАР
Никој не е роден со самодоверба и ретки се луѓето кои не чувствуваат страв кога ќе се сретнат со нови работи. Но, она што ги одвојува луѓето кои се подготвени да работат на својата самодоверба и на подобар и поквалитетен живот од оние кои не се, е храброста. Да се биде храбар значи да скокаш во непознатото и да се обидуваш без разлика на стравот од неуспех и туѓите (грди) коментари.
НЕ ОБРЗНУВАЈТЕ ВНИМАНИЕ НА КОМЕНТАРИТЕ
Мислењето и коментирањето, кое често е проследено со озборувања, отсекогаш постоело и не треба да биде кочница за вашите животни одлуки. Не дозволувајте коментарите и мислењата на луѓето да влијаат на вашата иднина и среќа.
Конструктивната критика е секогаш добредојдена, но товарот на туѓите мислења и стравот од нив ќе ви го попречат развојот на самодовербата. Кога ќе одлучите да ги реализирате вашите идеи без разлика на тоа „што ќе каже селото“ – ќе направите огромен чекор во вашиот пат на саморазвој.
РАБОТИ НА СЕБЕ
Ако решивте да бидете храбри и да не обрнувате внимание на туѓите (грди) коментари, сте направиле голем потег, но овие работи сепак не се доволни за да ги добиете посакуваните резултати. Пред да одлучите да скокнете во непознатото, бидете гласни и силни, работете на себе. Научете, читајте и слушнете за работите за кои се залагате и сакате да ги споделите со светот.
Слушајте го вашиот внатрешен глас, но не заборавајте да ги слушате другите. Знаење, разбирање на сопствените емоции и постапки и постојана работа – ова се основите на кои многу лесно ќе додадете храброст и неоптоварени од туѓите мислења.
