Рецепт за пастрмка каков што досега не сте пробале: Риба во рерна со зеленчук, чиј вкус ќе ве воодушеви
За оние кои сакаат риба, ова е идеален и лесен начин да уживаат во вкусен залак
Рибата е една од најздравите намирници која генерално не ја користиме доволно во исхраната, а често ја сметаме за комплицирана при подготовката. Меѓутоа, ако го направите според овој едноставен рецепт , често ќе се враќате на ова јадење.
Компоненти:
2 поголеми пастрмки
1/2 кг компири
5 чери домати
2 лимони
сол, бибер
магдонос
маслиново масло
чешне лук
Подготовка:
Исчистената пастрмка измијте ја, исушете ја и посолете ја добро, па оставете ја во фрижидер. Исецкајте ситно чешне лук и магдонос, исцедете половина лимон во него и додадете малку маслиново масло . Измешајте сè, па премачкајте ја рибата внатре и надвор.
Компирите излупете ги и исечете ги на поголеми парчиња, а чери доматите исечете ги на половина. Исечете еден лимон на тенки кругови .
Ставете ги компирите и доматите во длабок плех или во сад отпорен на рерна. Зачинете со сол и бибер. Потоа наредете ги прстените од лимон, па ставете ја рибата која ќе ја исечете на три места, прелијте ја со маслиново масло и покријте ја со алуминиумска фолија. Се става во рерна загреана на 180 степени.
Печете 35 минути, потоа извадете ја фолијата и оставете да се пече уште 15 минути за пастрмката да добие крцкава кора . Другата половина од вториот лимон исечете ја на кришки и послужете ја со рибата која можете да ја посипете и со малку сечкан магдонос.
Послужете топло со сезонска салата.
