Првиот СИМПТОМ на сериозна болест се јавува додека спиете
Секоја вечер кога одиме да спиеме, поминуваме неколку часа во виртуелен свет создаден од нашиот мозок во кој ние сме главните актери на приказната што се развива.
За повеќето луѓе, соништата се претежно пријатни, понекогаш негативни, често бизарни, но ретко страшни. Односно, ако воопшто се паметат.
Меѓутоа, за околу 5 проценти од луѓето, незаборавни и застрашувачки кошмари (лоши соништа што ве будат) се случуваат секоја недела, па дури и секоја вечер. Неодамнешните студии покажаа дека луѓето со Паркинсонова болест имаат повеќе лоши соништа и кошмари отколку луѓето без оваа болест.
Истражувањата покажуваат дека помеѓу 17% и 78% од луѓето со Паркинсонова болест имаат кошмари барем еднаш неделно.
Исто така, една студија од 2021 година покажа дека луѓето со новодијагностицирана Паркинсонова болест доживуваат повторливи соништа со „агресивна или активна содржина“ и имаат побрза прогресија на болеста во годините по дијагнозата, во споредба со оние без агресивни соништа. Тие можат да го предвидат текот и развојот на болеста.
Најновата студија, објавена во списанието „The Lancet eClinicalMedicine“, покажува дека тоа го можат и здравите луѓе. Поточно, покажа дека развивањето чести лоши соништа или кошмари во староста може да биде ран предупредувачки знак за непосредна Паркинсонова болест кај инаку здрави луѓе.
Авторот тврди дека ги анализирал податоците од големото американско истражување кое вклучувало податоци собрани во период од 12 години од 3.818 постари мажи кои живеат самостојно. На почетокот на студијата, мажите пополниле серија прашалници, од кои едниот вклучувал прашање за лоши соништа.
Учесниците кои пријавиле лоши соништа барем еднаш неделно биле следени на крајот на студијата во просек седум години за да се види дали е поголема веројатноста да им биде дијагностицирана Паркинсонова болест. Во овој период од Паркинсонова болест се разболеле 91 лице.
Оние кои пријавиле чести лоши соништа на почетокот на студијата имале двојно поголема веројатност да развијат Паркинсонова болест во споредба со оние кои ги имале помалку од еднаш неделно. Интересно, значителен дел од дијагнозите се појавија во текот на првите пет години од студијата.
Во овој период, учесниците со чести лоши соништа имале повеќе од три пати поголеми шанси да развијат Паркинсонова болест.
Предупредување
Овие резултати сугерираат дека постарите возрасни лица на кои еден ден ќе им биде дијагностицирана Паркинсонова болест може да почнат да доживуваат лоши соништа и кошмари неколку години пред да ги развијат карактеристичните симптоми на Паркинсоновата болест, вклучувајќи тремор, вкочанетост и бавно движење.
Студијата, исто така, покажува дека нашите соништа можат да откријат важни информации за структурата и функцијата на нашиот мозок и може да се покажат како важна цел за истражување на невронауката.
Сепак, важно е да се нагласи дека само 16 од 368 мажи со чести лоши соништа во оваа студија развиле Паркинсонова болест. Бидејќи Паркинсоновата болест е релативно ретка состојба, голем број луѓе кои често сонуваат лоши соништа никогаш нема да ја развијат болеста.
