Пет кратки совети против стрес
Сите ние би сакале помалку обврски, подолг ден, помирен живот… И денес можете да му свртите грб на стресот – ако така одлучите.
Една од најголемите стапици на стресот е тоа што тој самиот се „храни“. Ве убедува дека немате време да најдете малку време… Еве како да ја започнете борбата против стресот, дури и кога „немате време“.
Најдете ја вашата изрека
Запомнете три до пет изреки кои ќе ве вратат во живот кога работите ќе тргнат наопаку. На пример: „Можам да го направам тоа“ или „Она што не ме уништи ќе ме направи посилен“. Или замислете убава слика која ќе ви послужи како прибежиште во моментите на стрес: поглед од најубавото место на плажата, патека во шумата по која сакате да одите или нешто друго што особено ви се допаѓа.
Бидете благодарни
Тешко е да бидете благодарни кога сте под стрес. Одвојте пет минути дневно за да се заблагодарите за сите животни подароци. Започнете со вдишување и издишување, изворот на сè што е животот.
Одете во вистинската насока
Направете листа на настани кои ве направиле среќни во текот на денот и оние кои ви ја одземале енергијата. На тој начин ќе можете полесно да видите по кој пат треба да продолжите.
Започнете со мали работи
Не се стресувајте за големи промени, почнете со мали работи. Променете го, на пример, она што го јадете за појадок. И тоа може да биде почетниот чекор на патот што ќе ве доведе до животот по кој копнеете.
Редефинирајте ги вашите цели
Една кинеска поговорка вели: ако имате проблем што не можете да го решите, тогаш можеби тоа веќе не е ваш проблем. Ако долго време се стремите кон нешто, а животот функционира добро без тоа, запрашајте се дали ви е потребна оваа наводна грижа.
