Олеснете ги симптомите на алергија со оваа храна
Тешко е да уживате на убавото време кога очите ве чешаат, носот ви тече и постојано кивате или страдате од симптоми поврзани со алергии, познати и како поленска треска или алергиски ринитис.
Антихистаминиците, кои се користат за ублажување на алергиите, не се најдоброто решение. Подобар избор е оваа моќна храна која го зајакнува имунитетот и ви помага по природен пат да се ослободите од алергиите.
За да ги ублажите симптомите на сезонските алергии, треба редовно да консумирате храна која има природни антихистамински и антиинфламаторни ефекти .
Следниве намирници се карактеризираат со овие квалитети:
Кромид – кромидот е природен антихистамин, богат со кверцетин, флавоноид кој има силно антиоксидативно дејство. Кверцетинот го блокира производството и ослободувањето на хистамин, соединенија вклучени во алергискиот одговор на телото, како и инхибиција на други алергиски и воспалителни соединенија. Други добри извори на кверцетин се: јаболка, црвено вино, бозел, црн и зелен чај, агруми, банани и пиперки .
Кефир – овој ферментиран млечен производ содржи пробиотици, за кои е докажано дека го намалуваат воспалението на носните патишта, ги третираат сезонските алергии и го зајакнуваат имунолошкиот одговор. Други извори на пробиотици се јогуртот и природно обработената кисела зелка .
Портокалите се богати со витамин Ц, кој делува како природен антихистамин, но и со кверцетин, а комбинирањето на кверцетинот и витаминот Ц го зголемува хистаминот и го намалува воспалението. Други извори на витамин Ц се: агруми, пиперки, брокула, јагоди, папаја и манго .
Мед – покрај веќе познатите антиинфламаторни својства, медот може да ги намали алергиите доколку се зема на самиот почеток на сезоната. Луѓето кои страдаат од алергија на полен имаат 60% помалку симптоми, а нивните алергии траат 70% помалку ако редовно консумираат домашен, нефилтриран мед .
Куркума – содржи куркумин, антиинфламаторно соединение кое го спречува ослободувањето на хистамин и го намалува оксидативниот стрес и алергискиот одговор. Куркуминот исто така го зголемува протокот на воздух во носот и го стимулира имунолошкиот одговор кај луѓето со алергии. Во комбинација со масти и црн пипер, се зголемува апсорпцијата на куркуминот.
