Дома Здравје Најмногу магнезиум ќе најдете во овие неочекувани намирници…

Најмногу магнезиум ќе најдете во овие неочекувани намирници…

195
0

Овој важен минерал треба редовно да се внесува во организмот, но не е потребно да се посегнува кон додатоци во исхраната,подобро е да се зема природно, преку храна што ни ја дала природата.
Дневната потреба за овој минерал е помеѓу 300 и 400 мг на ден.

Магнезиумот е важен за околу 300 биохемиски реакции во организмот, од балансирање на нивото на шеќер во крвта, синтеза на ДНК до релаксирачки мускули, олеснување на грчевите и воспаленија на кожата, решавање на запек…


Храна богата со магнезиум:


Бадеми
Бадемите се одлична закуска бидејќи 30 грама содржат дури 105 мг магнезиум. Покрај магнезиум, бадемите се богати со витамин Е, протеини и омега-3 масни киселини.
Сусам
Покрај тоа што е добар извор на железо и витамин Б6, сусамот е богат и со магнезиум – 30 грама содржат 100 мг магнезиум. Може да го додадете во скоро секое јадење, од салати и сендвичи до чорби..
Индиски орев
Една порција од 30 грама обезбедува десет проценти од препорачаниот внес на железо, но содржи и многу магнезиум – 89 мг, што е далеку повеќе од банана, која има околу 22 мг од овој важен минерал.
Семки од сончоглед
Овие семиња содржат малку повеќе магнезиум од бадемите и семето од сусам, дури 128 мг на 30 грама. Семките од сончоглед се богати и со калциум.
Семки од тиква
Покрај тоа што се одличен извор на влакна, овие семки содржат 74 мг магнезиум во количина од 30 грама. Исто така, тие се богати со протеини што се добри за луѓето кои сакаат да изгубат вишок килограми и да го дефинираат телото.
Брокула
Брокулата ви обезбедува најмногу хранливи материи ако ја јадете сурова. Богата е со витамин Ц и магнезиум – со 65 грама содржи околу 50 мг од овој минерал. Ако сакате да ја загреете брокулата, тоа е најдобро да се приготвува на пареа.

Претходна објаваБрз ручек: Крцкави мини палачинки со шунка и сирење се топат во уста!
Следна објаваПризнајте, вие сте таму каде што сакате да бидете?

Остави одговор

Ваш коментар
Вашето име