Дома Позитив на денот Меѓународен ден на жената: Историска борба да се слушне женскиот глас…

Меѓународен ден на жената: Историска борба да се слушне женскиот глас…

135
0

Денес, 8 март, го славиме Меѓународниот ден на жената низ целиот свет.
Меѓународниот ден на жената (8-ми март) е празник кој во својата суштина ги содржи економските, политичките и општествените достигнувања на жените и нејзината борба за родова рамноправност.
Првите јавни демонстрации на жените вработени во текстилната индустрија биле организирани на 8 Mарт 1857 година во Њујорк.

Текстилните работнички протестирале поради лошите услови за работа и ниските плати. Протести на истиот датум се случувале и наредните години, од кои најпознати биле во 1908 година, кога 15 илјади жени марширале низ Њујорк барајќи пократко работно време, подобри плати и право на глас.

Првата меѓународна женска конференција е одржана во Копенхаген во 1910 година во организација на Социјалистичката Интернационала. На конференцијата по предлог на славната германска политичарка и борец за човекови права Клара Цеткин, 8 Март е утврден како празник на жените. Во наредните години празникот започнале да го одбележуваат милиони луѓе во Австрија, Данска, Германија, Швајцарија…


Во 1977 година, Обединетите Нации го прогласи 8 Март за”Меѓународен ден на правата на жените”. Оттогаш, празникот има симболично значење, посебно за државите каде што жените се` уште водат борба за основните права и секаде кадешто жените се жртви на насилство и нееднаквост.
На сите жени им го честитаме Денот на жената.

Претходна објаваКои се главните разлики помеѓу козјото и кравјото млеко?
Следна објаваБрз ручек: Крцкави мини палачинки со шунка и сирење се топат во уста!

Остави одговор

Ваш коментар
Вашето име