Дома Твој готвач Лимончиња: Интересни, убави и евтини мали колачиња

Лимончиња: Интересни, убави и евтини мали колачиња

1090
0

Вкусен украс за вашата трпеза

Тестото за овие украсни колачи е ронливо, а филот можете сами да го изберете откако ќе го увежбате ова со ореви или лешници. Во секој случај. ќе добиете интересен деликатес кој ќе ја украси вашата трпеза.

Состојки:

2 жолчки
2 лажици кисела павлака
50 мл млеко
5 лажици шеќер
180 гр омекнат маргарин
околу 450 гр меко брашно
10 гр прашок за пециво
малку екстракт од лимон и малку кора од лимон… (може да исцедите и малку сок од лимон)

Фил:

2 белки
4 лажици шеќер
150 гр мелени ореви
кора од лимон по желба
млеко, жолта и зелена боја и кристален шеќер за декорација

Подготовка:

Во омекнатиот маргарин се додава шеќер и се мати со миксер, па се додаваат жолчките и павлаката и повторно се меша со миксер.

Прво истурете половина мерка брашно, прашок за пециво, кора од лимон и екстракт (или сок од лимон) и сè измешајте. На крајот додадете го остатокот од брашното и замесете меко тесто.

Ставете го тестото во фрижидер 30 минути, а потоа расукајте го со сукало. Извадете ги прстените со кружен калап, измешајте го вишокот тесто и повторете ја постапката.

За филот се матат белките со шеќер, па се додаваат мелените ореви и кората од лимон и се соединува. На секој круг тесто ставете по една лажичка фил, преклопете го и завртете ги краевите за да му дадете форма како лимон.
Се редат во плех и се пече во загреана рерна на 160 степени помеѓу 15 и 20 минути.

Жолтата боја измешајте ја во 50 мл млеко и зелената боја во 50 мл. Изладените лимони прво обојте ги во жолта боја, а потоа врвовите обојте ги со зелена боја. Кога ќе обоите 10 парчиња, земете го првото и валкајте го во шеќер. Така ќе спречите премногу шеќер да се залепи на колачињата.

Можат да останат долго, па можете да ги чувате во кутија со капак.

Остави одговор

Ваш коментар
Вашето име