Дома Твој Готвач Лесен рецепт за вкусни кокосови и чоколадни бисквити без брашно

Лесен рецепт за вкусни кокосови и чоколадни бисквити без брашно

616
0

Бидете најдобрата верзија од себе.
Овие неодоливи колачиња од кокос не содржат брашно и се совршено задоволство во секое време од денот…


Денеска ви носиме супер едноставен рецепт за колачиња од кокос кои се совршен избор кога сакате нешто слатко. Освен што се многу вкусни, овие бисквити не содржат глутен, а изгледаат и многу слатко и фотогенично, па можете да ги понудите на гости. Најдобро од сè, веројатно веќе ги имате повеќето состојки потребни за овие колачиња во вашата кујна. Тие се совршено задоволство и одлично се комбинираат со шолја чај или кафе, а во добро затворена кутија можат да стојат и до неколку дена.
Бидете најдобрата верзија од себе.

Состојки:
3 чаши кокосово брашно
1 шолја шеќер
0,5 лажички мелен цимет
3 големи белки
3 лажици мед
2 лажички екстракт од ванила
1 прстофат сол
1 шолја растопено темно чоколадо

Подготовка:

Вклучете ја рерната на 160 степени и оставете да се загрее. Подгответе плех на кој ќе ги редите бисквитите и обложете го со хартија за печење.


Во сад измешајте ги кокосовото брашно, шеќерот и циметот и оставете ги на страна. Во друг сад измешајте ги белките, медот, екстрактот од ванила и прстофат сол и измешајте ги во тврдо тесто.


Со помош на шпатула префрлете ги белките во смесата од кокос. Нежно измешајте да се соединат сите состојки.


Од тестото со раце формирајте мали топчиња и наредете ги во плех. Оставете малку простор помеѓу секоја од нив.


Ставете ги бисквитите во загреана рерна и печете ги околу 15 минути или додека не добијат малку златно-кафеава боја.


Кога бисквитите ќе се изладат, растопете ја црната чоколада на пареа. Потопете ги бисквитите до половина во растопеното чоколадо и оставете ги на плех додека не се стврдне чоколадната глазура.

Претходна објаваМногумина кои преживеале ковид го имаат овој необичен несакан ефект
Следна објава10 најлуксузни хотели во светот: Бурџ Ал Араб Џумеира во Дубаи на прво место

Остави одговор

Ваш коментар
Вашето име