Кои се првите симптоми на висок крвен притисок?
Кога станува збор за кардиоваскуларни болести, висок крвен притисок е една од најчестите состојби.
На крвта и треба одреден притисок за да пумпа низ телото, но кога тој притисок ќе стане превисок, може значително да ги оштети артериите и крвните садови.
Кога високиот крвен притисок станува хроничен проблем, може да доведе до таложење на наслаги на ѕидовите на крвните садови. Колку повеќе наслаги има, толку крвните садови се потесни, што го отежнува ефикасното пумпање на крвта.
- Во САД на 47 отсто од населението им е дијагностицирана хипертензија. Дебелината, дијабетесот, недостатокот на вежбање, лошата исхрана, прекумерното консумирање алкохол, употребата на тутун и генетиката придонесуваат за ризикот од хипертензија , вели д-р Ренд Меклејн за SheFinds.
Се проценува дека 18 проценти од сите смртни случаи на глобално ниво може да се припишат на хипертензијата (околу 9,4 милиони луѓе), а најголемиот проблем е што високиот крвен притисок може да не покажува никакви симптоми. Затоа го нарекуваат „тивок убиец“.
Првите симптоми на висок крвен притисок може да бидат: главоболка, крварење од носот, замор, проблеми со видот, отежнато дишење, палпитации на срцето и зуење во ушите. Сепак, мерењето на притисокот е основа и за поставување дијагноза и за следење на ефектите од терапијата.
