Како да се победи високиот притисок?
Високиот крвен притисок може да го оштети вашето здравје на долг рок – да доведе до срцеви заболувања, откажување на бубрезите и други сериозни здравствени проблеми. Многу е важно да го држите под контрола.
Внимавајте на тежината
Идеалната тежина е секако основата на нормалниот притисок. Дебелината доведува до зголемување на крвниот притисок. Ако имате некој килограм вишок, направете поздрав план за исхрана и држете се до него. По некое време дефинитивно ќе се чувствувате подобро.
Внимавајте на внесот на сол
Можеби консумирате повеќе сол отколку што му треба на вашето тело. Најпаметно би било да водите дневник за храна. Вишокот сол во телото доведува до повеќе потење, ве прави понапнати и го зголемува крвниот притисок.
Вежбајте редовно
Понекогаш тежината не е единствената причина за високиот крвен притисок. Тоа може да биде од стрес, неправилен начин на живот, нездрави навики во исхраната итн. Вежбајте редовно пет дена во неделата, барем самостојно, за да го држите крвниот притисок под контрола. Дури и вежбањето јога може да ви помогне да го намалите вашиот крвен притисок на нормала.
Избегнувајте кафе и алкохол
Понекогаш премногу кофеин може да доведе до висок крвен притисок. Набљудувајте се и видете колку често пиете кафе, а потоа измерете го крвниот притисок. Ако се зголеми, тогаш треба да внимавате на внесот на кофеин. Истото важи и за алкохолот.
Започнете со здрава исхрана
Здравата исхрана вклучува внесување на овошје, житарки и храна со повеќе влакна. Посетете нутриционист и разговарајте со него за вашите моментални навики во исхраната и одете дома со поздрав план.
Престанете да пушите
Доколку сте жесток пушач, ќе мора да најдете начин да се ослободите од оваа лоша навика. Откажувањето на цигарите ќе спречи многу здравствени проблеми, вклучувајќи го и високиот крвен притисок.
Редовно проверувајте го крвниот притисок
Би било добро да го проверувате крвниот притисок почесто и да следите како вашето тело реагира на диета и вежбање. Тоа ќе ви биде дополнителен мотив да се придржувате до нови и поздрави навики во иднина.
