Имате болки во грлото и отежнато голтање: Овие намирници ќе помогнат и ќе го забрзаат закрепнувањето
Иако иритациите на грлото најчесто се предизвикани од вируси и бактерии, пушењето, сувиот воздух и алергиите исто така може да го предизвикаат.
Ако е вирус, знајте дека антибиотиците нема да помогнат.
Воспалението придружено со печење при голтање, црвенило и суво грло можете сами да ги ублажите со помош на одредена храна.
– Храната богата со хранливи материи е најдобра помош – советува др. Синтија Ли.
Ако некако можете да го зголемите апетитот, обидете се да вклучите што е можно повеќе храна богата со хранливи материи во вашето мени.
Се разбира, ако е вирус, нема многу што можете да направите освен да го чекате и да пиете многу вода. Сепак, следните намирници дефинитивно ќе го забрзаат заздравувањето, пишува womenshealthmag.com .
Супа
Пилешката супа нуди антивоспалителни својства кои ги олеснуваат симптомите на настинка, тврдат научниците. Дополнителните истражувања потврдија дека мирисот, зачините и температурата на супата можат да го исчистат респираторниот тракт.
- Важно е да го зголемите внесот на течности доколку сте настинати. Кога сте болни, телото треба да ја замени изгубената течност, а топлата супа ќе го направи токму тоа – вели др. Гејл ван Дипен во изјава за Дејли Меил.
Иако науката не може да идентификува кои состојки во супата помагаат во борбата против настинките, веројатно е комбинација од нив.
Повеќето супи содржат храна која е полна со хранливи материи – влакна, витамин Ц и антиоксиданси кои го зајакнуваат имунолошкиот систем за полесно да се бори со симптомите на настинка.
Meд
Медот е главен лек уште од античко време и со многу добра причина.
- Модерната наука покажа дека медот од манука е многу добар кога не нападнат разни инфекции, бактериски и вирусни, како и со болки во грлото – вели др. Ли.
Важно е да не претерувате бидејќи премногу шеќер може да го ослаби имунолошкиот систем.
Јогурт
Според научниците објавени во European Journal of Nutrition, секојдневното консумирање јогурт може да го зајакне имунолошкиот систем бидејќи содржи бактериски култури на Lactobacillus bulgaricus и Streptococcus thermophilus.
Покрај тоа, нуди добри количини на калциум, витамини Б и Д и други хранливи материи кои влијаат на имунолошкиот систем. Протеините и здравите масти помагаат и во борбата против вирусите и бактериите. Дополнително, ладната и мека текстура на јогуртот многу полесно ќе го голтате доколку имате болки во грлото.
Смути
Одличен напиток доколку сакате да внесете многу здрави состојки во неколку голтки и секако нема да ви ја зголеми болката при голтање. Користете кељ, целер, бобинки кои не содржат шеќер и се полни со антиоксиданси.
Наместо сок од портокал, користете цел портокал бидејќи е полн со витамин Ц и влакна. Лекарите ќе ги советуваат луѓето со воспалено грло да земаат околу 3.000 милиграми витамин Ц на ден за да се опорави имунолошкиот систем што е можно поскоро.
Ѓумбир
Благодарение на неговите антиинфламаторни својства, ѓумбирот може да помогне при болки во зглобовите и мускулите бидејќи делува како аналгетик.
Некои неодамнешни студии дури тврдат дека може да ги ублажи симптомите на артритис. Во случај на проблеми со респираторниот систем, алергии, настинки или кашлица, ѓумбирот може да биде корисен за подобрување на проодноста на дишните патишта преку ублажување на симптомите преку стимулирање на мукозната мембрана.
Бидејќи има антиинфламаторни својства, одлично е да се комбинира со мед за да се удвои ефектот.
