Едноставно и вкусно: ТОРТА СО СУВО ОВОШЈЕ
Во зимските денови, сувото овошје е многу често на нашата трпеза. Ни дава енергија, вкусно е и може да биде многу убаво како состојка во некои колачи.
Состојки:
5 јајца
350 гр брашно
200 гр шеќер
4 лажици рум
150 гр путер
100 гр сушени брусница
100 гр суво грозје
100 гр излупени и сечкани бадеми
рендана кора од 1 лимон
1 кесичка ванилин шеќер
1 кесичка прашок за пециво
Декорација:
грст суво грозје, сечкани бадеми и брусница со глазура од бело чоколадо
150 гр бело чоколадо
100 мл слатка павлака
1 кесичка ванилин шеќер
Подготовка:
Сувото овошје прелијте го со рум и оставете го настрана дваесет минути.
Се матат путерот, шеќерот, јајцата и ванилиниот шеќер додека не се запенат. Во смесата со путер измешајте го брашното што претходно сте го просеале со прашокот за пециво. Исцедете го овошјето и додајте го во тестото. На дното на калапот ставете хартија за печење, обилно намачкајте ги ѕидовите со путер и посипете ги со брашно. Истурете го тестото во калапот и ставете го во загреана рерна на 180 степени и печете 60 минути. Оставете го да се излади во калапот, а кога ќе стане млак ставете го на решетка да се излади целосно.
За глазурата ставете ја чоколадата и садот ставете го на пареа да се растопи чоколадото заедно со слатката павлака. Додека се меша, додадете ванилин шеќер. Тргнете го од пареа и кога ќе почне да се стега, прелијте го врз колачот. Додека глазурата е сеуште мека, посипете ја тортата со суво овошје.
