Дали имате проблеми со празнење на цревата? Променете го начинот на кој седите во тоалетот
ЕМЕРАЛД (36) се мачела со нужда, па се обратила за совет кај експертот Софи Медлин. Појавувајќи се на Know Your Sh!t, Емералд објасни дека понекогаш оди во тоалет само еднаш на секои две недели.
„Не сакам да користам туѓи тоалети и сум малку срамежлива“, објасни таа.
Диететичарката Софи Медлин истакна дека е нормално да се практикува празнење од три пати на ден до три пати неделно. Таа предложи и како да се опуштат мускулите и да се олесни нуждата.
„Кога седите на тоалетот со нозете под агол од 90 степени, вашиот пуборектален мускул, кој се користи за исфрлање на изметот, го гуши ректумот. Со сквотирање или кревање на нозете на стол, тој стисок се олабавува и изметот има слободен излез“, рече таа.
Неодамнешна студија беше спроведена во која се бараше од испитаниците да го испробаат овој совет. 71 отсто од нив рекле дека забележале дека имаат побрзо празнење на дебелото црево, додека 90 отсто од нив пријавиле помалку напор.
„Таа позиција навистина може да направи голема разлика“, заклучи Медлин.
