Внимавајте на срцето секој ден
Со целата работа и роковите што треба да се испочитуваат, малкумина имаат сè уште време да размислуваат за здравјето на срцето.
Факт е дека се зголемува бројот на срцеви болни. Факт е дека пациентите стануваат помлади. Факт е дека не мора да биде така. Секако, доколку секојдневно следите неколку… едноставни упатства:
пет на ден. Јадете најмалку пет порции свежо овошје и зеленчук (со и помеѓу оброците) за поздраво срце.
Намалете ја солта. Обидете се да користите што помалку сол за време на оброците, особено вечерата, доколку сакате да избегнете хипертензија. Идеално е да се консумира една кафена лажичка дневно.
Кога треба да пиете, погрижете се да не пиете повеќе од два пијалоци дневно ако сте маж или една пијачка ако сте жена.
Прошетка. Ова е најдобрата и потполно бесплатна вежба за здравјето на срцето. Со секој чекор го намалувате ризикот од срцеви заболувања и ја зачувувате нормалната состојба на кардиоваскуларниот систем.
Не избегнувајте скали. Како што се качувате, притисокот ќе ви опадне.
Кажете им збогум на цигарите. Има многу кои се откажале од пушењето – со умирање од рак на белите дробови. Зарем не го сакате сопственото срце и бели дробови?
Знајте ги вашите броеви. Првиот чекор кон одржување на вашето срце здраво е да откриете каква е вашата моментална состојба. Затоа е важно да имате увид во нумеричките вредности на вашето здравје – шеќер, крвен притисок, липиди итн. Правете редовни прегледи и тестови за да откриете дали сте изложени на ризик за проблеми со срцето. Пожелно е барем еднаш годишно да се оди на систематски преглед.
Почнете полека. Вежбањето или некоја физичка активност се едноставно незаменливи. Тоа не мора да значи два часа потење во теретана. Започнете полека, со 30 минути физичка активност – двапати по 15 минути или три пати по десет минути. И не вежбајте веднаш по оброкот или кога е премногу топло или кога воздухот е многу парен и влажен. Секогаш загревајте се пред вежбање и истегнете се потоа.
Не биди роб на вагата . Важно е да имате добар сооднос меѓу тежината и висината, но поважно е да се храните здраво и да вежбате редовно.
Бабите најдобро знаеја. Не поминува ден без да се појави некоја нова, успешна, револуционерна диета. Но, онаа што ја препорачуваат нашите постари е најдобрата – јадете здраво и правилно (редовно).
Шеќерот не е баш сладок. Ако имате дијабетес, внимавајте и држете го нивото на крвта под контрола. Не заборавајте дека најдобриот начин за согорување на шеќер е вежбањето. Пациентите со дијабетес се повеќе склони кон проблеми со срцето, особено жените.
